Científic@s de 4º, precisámosvos!

Bo día querid@s alumn@s,
Como estades?

Xa sei que hoxe é día festivo, pero aínda así, vou aproveitar para facervos unha proposta.

Son días difíciles nos que toca estar na casa, pero non debemos descoidar o noso corpo nin a nosa mente. Así que vos propoño un reto científico.

Como en ciencias naturais estabamos a traballar o corpo humano e, tendo en conta o tema de máis actualidade neste momento... Convócovos, "Comunidade Científica de 4º", para facer unha pequena investigación sobre o Covid-19

- Que é o Covid-19?

- Onde e cando se orixinou?

- Cales son os síntomas?

- Como podemos protexernos?  

- Teléfono de información.

Coa información recollida faredes un mural, un folleto, un libriño... que acompañaredes de ilustracións feitas por vós.

En canto o teñades listo, por favor, sacádelle fotos ao traballo e enviarmas ao correo para que eu as poida subir aquí, ao blogue.

Estou desexando ver eses marabillosos traballos! Biquiños.