POR FIN CHEGOU O DÍA!

Hoxe é a festa do Entroido no noso cole e TRES MAMÁS DO MÁIS SABROSÓN, VIÑÉRONNOS AXUDAR a preparármonos para o festival

Sodes ESTUPENDAS. Moitísmas grazas!!!

DIA DE ROSALIA

Fixéronnos un encargo: preparar uns poemas de Rosalía de Castro para recitarlle aos pequenos/as de Ed. Infantil.
Primeiro decidimos afondar na figura de Rosalía e na súa obra, para logo seleccionar os poemas máis axeitados.
Quedamos engaiolados coa súa historia e con moitos dos seus poemas, que contaban historias da vida na súa época e amosaban un amor infinito pola nosa terra.
Non fomos quen de aprender só un par de poemas.
Collendo pezas de aquí e acolá compusemos un relato baseado na súa vida e fomos incorporando fragmentos de diferentes poemas pertencentes a cada un dos períodos.
Por último preparamos ilustracións para acompañar o noso relato.
Estamos aprendendo e disfutando moitísismo,

HACHIMAKI FEITAS Á MAN...

Xa temos listas as Hachimaki, que é como se chaman os turbantes do traxe masculino xaponés.
A verdade é que, con tanta motivación fixémolas en tempo récord.
Os nosos xaponeses estarán guapísimos con elas!

ULTIMANDO PARTES DO DECORADO ENTROIDO

Estes días os nosos rapaces/as de 5º están traballando sen pausa, axudando na preparación do decorado do festival de Entroido.

Aquí temos a dúas compañeiras, Ana e Uxía en plena acción. Bueno, vale... en plena pausa.

A HORA DO TÉ

Sempre é unha boa hora para unha infusión de coñecemento.
Estamos descubrindo e aprendendo moitísimo sobre estas culturas milenarias.
Todas elas teñen algo en común: o Té
Agranda a imaxe para descubrir algunhas curiosidades.

PREPARANDO O DIA DA PAZ...

En relación co noso Proxecto sobre Países e Culturas, na nosa clase xurdiu un interese especial polos países asiáticos.

En relación co Día da Paz,unha nena chama a atención dos nosos investigadores

Sadako Sasaki

Afondamos na súa vida e na súa historia

Descubrimos a lenda xaponesa das Mil grúas de papel
Aprendemos sobre o terror vivido polos habitantes de Hiroshima...
Fixemos mooooooooooitas grúas de papel de cores en lembranza desta e outros nenos que viven desgracias por mor das guerras.

Dende a Biblioteca do noso cole invítannos a ler "Wangari e as árbores da paz".
Logo de reflexiónar sobre esta increíble muller Wangari Maathai, nunhas follas que nos deixaron preparadas, redactamos, escribimos e decoramos mensaxes de paz.
As follas agromarán xunto ás de outros compañeiros/as do cole nesta fermosa árbore,que nos recibirá á entrada á escola.

FESTIVAL NADAL.